Դեսպան Տիգրան Մկրտչյանի հանդիպումը Հունաստանի Արևմտյան մարզի մարզպետ Նեկտարիոս Ֆարմակիսի և փոխմարզպետ Ֆոկիոն Զայմիսի հետ

21 նոյեմբերի, 2024

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպում է ունեցել Հունաստանի Արևմտյան մարզի մարզպետ Նեկտարիոս Ֆարմակիսի և փոխմարզպետ Ֆոկիոն Զայմիսի հետ:

Մարզպետ Ֆարմակիսը շնորհակալություն է հայտնել դեսպանին Հունաստանի արևմտյան մարզ այցելելու հրավերն ընդունելու համար և կարևորել երկու երկրների միջև համագործակցությունը` տեղական ինքնակառավարման մարմինների մակարդակում: Միջմարզային համագործակցությունը ևս մեկ խթան է հանդիսանում տարածաշրջանային զարգացման ուղղությամբ՝ առևտրի, զբոսաշրջություն և այլ ոլորտներում փորձի փոխանակման միջոցով:

Դեսպան Մկրտչյանը շնորհակալություն հայտնելով հրավերի և ջերմ հյուրընկալության համար, կարևորել է նաև մշակութային դիվանագիտության` գիտակրթական ոլորտում համագործակցության դերը երկկողմ հարաբերություններում և հույս հայտնել մոտ ապագայում դիտարկել մշակութային միջոցառում կազմակերպելու հնարավորությունը Պատրասում, ինչպես նաև, խթանել Պատրասի համալսարանի համագործակցությունը հայաստանյան ԲՈՒՀ-երի հետ: Միաժամանակ, հաշվի առնելով գինեգործության ուղղությամբ Արևմտյան Հունաստանի տարածաշրջանի զարգացվածությունը և Հայաստանի տարբեր մարզերի գրանցած հաջողություններն այդ ոլորտում, դեսպանն առաջարկել է դիտարկել գինեգործությանը նվիրված համատեղ ձեռնարկների կազմակերպումը։

Կողմերը պայմանավորվել են երկկողմ այցեր կազմակերպել՝ մոտիկից քննարկելու համագործակցության ոլորտները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր